Мемлекеттік рәміздер күні аталып өтті

Мемлекеттік рәміздер күні аталып өтті

4 маусым – Қазақстан Республикасының Мемлекеттік рәміздер күніне орай балабақшамызда мерекелік іс-шара ұйымдастырылды.

Іс-шараның мақсаты – тәрбиеленушілердің мемлекеттік рәміздерге деген құрметін арттыру, Отанға деген сүйіспеншілік пен патриоттық сезімдерін қалыптастыру. Мерекелік шара барысында бүлдіршіндер Қазақстан Республикасының Әнұранын орындап, Мемлекеттік Ту мен Елтаңба туралы өлеңдер оқыды, әндер айтып, патриоттық ұрандар айтты.

Балалар көк Туымызды мақтанышпен ұстап, еліміздің басты рәміздерінің маңызы туралы білімдерін көрсетті. Танымдық ойындар мен шығармашылық жұмыстар ұйымдастырылып, тәрбиеленушілер өздерінің белсенділіктері мен қызығушылықтарын танытты.

Мемлекеттік рәміздер – тәуелсіздігіміздің нышаны, ел бірлігі мен ұлттық құндылықтардың белгісі. Осындай тәрбиелік мәні зор шаралар жас ұрпақтың бойында елжандылық қасиеттерді қалыптастыруға ықпал етеді.

Баршаңызды Қазақстан Республикасының Мемлекеттік рәміздер күнімен құттықтаймыз!