14 наурыз – Көрісу күні

Балабақшамызда 14 наурыз – Көрісу күніне орай тәрбиелік мәні зор іс-шара өткізілді. Бұл күн – адамдардың бір-бірімен қауышып, амандық-саулық сұрасып, ізгі тілектерін білдіретін ерекше дәстүрлі мереке.

Іс-шара барысында балалар қазақ халқының салт-дәстүрлері туралы мағлұмат алып, көрісу рәсімін сахналық көрініс арқылы көрсетті. Бүлдіршіндер бір-бірімен қол алысып, «Жасың құтты болсын!», «Бір жасыңмен!» деп жылы тілектерін айтып, үлкендерге құрмет көрсетті.

Сонымен қатар, балалар ұлттық киім киіп, ән айтып, би билеп, мерекенің сәнін келтірді. Бұл шара балалардың ұлттық құндылықтарға деген қызығушылығын арттырып, достық пен сыйластыққа тәрбиелеуге ықпал етті.

Мереке көтеріңкі көңіл-күйде өтіп, барша қатысушыларға жағымды әсер сыйлады.